Kitabxanamızın tarixi 
Neftçala rayon ərazisində kütləvi kitabxanalar hələ ötən əsrin ortalarından fəaliyyət göstərmişdir. 1973-cü ildə Neftçala müstəqil rayon kimi yaranandan sonra və o vaxtkı rəhbəriyin 1975-ci ildə kütləvi kitabxanaların mərkəzləşməsi haqqında sərəncamın dan sonra rayonumuzun bir sıra kəndlərində fəaliyyət göstərən kitabxanalar Xıllı qəsəbə kitabxanası ətrafında mərkəzləşdi. Beləliklə 1977-ci ildə rayon Xıllı qəsəbə kitabxanası mərkəz funksiyasını daşımağa başladı. Hələ o dövrdə də Respublikamızda mədəni inkişafa böyük önəm verilir, savadsızlığın təmamilə aradan qaldırılması yolunda böyük işlər görülürdü. Bu baxımdan da kitabxanaların genişləndirilməsinə həmin dövrdə xüsusi diqqət göstərilirdi. 1985-ci ildə Neftçala rayon Mərkəzi Kitabxanası 3 mərtəbəli yeni binaya köçdü və bundan sonra MKS-in fəaliyyəti 1 mərkəzi kitabxana və 85 filial kitabxananı əhatə etməklə daha da genişləndi. Neftçala rayon MKS-i rayonun kənd və qəsəbələrində olan filial kitabxanalara inzibati və metodiki rəhbərlik edir.Kitabxananın fondunda olan minlərlə kitab rayon oxucularının istifadəsindədir
Neftçala rayon Mərkəzləşdirilmiş Kitabxana sistemi
Neftçala rayon MKS-i 1985-ci ildən fəaliyyət göstərir. MKS 2010-cu ilin yekun hasabatına görə 1 Mərkəzi Kitabxana və 66 filial kitabxana ilə 40256 oxucuya xidmət etmişdir. Filial kitabxanalardan 63-ü kənd və qəsəbə, 3-ü isə Uşaq kitabxanalarıdır. O cümlədən kitabxanamıza 1018 nüsxə kitab və jurnallar daxil olmuşdur. Bunlardan 66 nüsxə kitab M.F.Axundov adına Milli kitabxanadan, 485 nüsxə kitab Kitabxana Kollektorundan, 467 nüsxə jurnal isə digər təşkilatlardan daxil olmuşdur. Hazırda MKS-in kitab fondu 307421 nüsxədir. MKS-də 237 nəfər işçi çalışır, onlardan 166 nəfəri qulluqçudur.
Azərbaycan Respublikası Mədəniyyət və Turizm Nazirliyinin 23 dekabr 2010-cu il tarixli 3471/03 nömrəli məktubuna əsasən "Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı"nın Təbirlər planının 2.1.5 bəndinin icrasını təmin etmək məqsədilə 2011-ci ilin mart ayının 1-də MKS-nin 14 filial kitabxanasının digər kitabxanalarla birləşdirilməsi başa çatmışdır. Hazırda MKS 1 Mərkəzi Kitabxana və 52 filial kitabxana ilə oxuculara xidmət göstərir. Birləşdirilmiş filial kitabxanaların ştat vahidi əsasında Mərkəzi Kitabxanada "Kitabxana-biblioqrafiya proseslərinin avtomatlaşdırılması" və "İnformasiya-Resurs Mərkəzi" şöbələri yaradılmışdır.
Mərkəzi Kitabxana 
1985-ci ildən fəaliyyət göstərən Neftçala rayon Mərkəzi Kitabxanası 3 mərtəbəli gözəl bir binada yerləşir.
Oxuculara əhatəli xidmət göstərən Mərkəzi Kitabxananın 70913 nüsxə kitab fondu vardır ki, bu fondun 651 nüsxəsi 2010-cu ildə daxil olmuşdur. Mərkəzi Kitabxana 2010-cu ildə 5506 nəfər oxucuya xidmət etmişdir. Mərkəzi kitabxanada 69 nəfər işçi vardır ki, bunlardan 55 nəfəri kitabxanaçı, digərləri isə texniki işçilərdir.
Mərkəzi kitabxanada 6 şöbə və 8 bölmə fəaliyyət göstərir
• Vahid fond-mübadilə şöbəsi.
• Kitabxana-biblioqrafiya proseslərinin avtomatlaşdırılması şöbəsi.
• İnformasiya-Resurs Mərkəzi şöbəsi.
• Komplektləşdirmə və kitabişləmə şöbəsi.
• Abonement şöbəsi.
• Metodika-Biblioqrafiya şöbəsi...
• Uşaq bölməsi.
• Xarici ədəbiyyat bölməsi.
• İncəsənət bölməsi.
• Gənclər bölməsi.
• Yuxarı sinif şagirdləri bölməsi.
• Kənd təsərrüfatı bölməsi.